લાઈફ એન્ડ્સ વિધાઉટ ફ્રેન્ડસ !

" હે ભગવાન , અગેઇન લેઇટ ! સવારે ગમે એટલા વાગે ઉઠું રોજ જ મોડું થાય .. "- રોજની ભાગદોડ ભરી જીંદગી માં કદાચ શરીર ની સાથે દિમાગ અને દિલ પણ જાણે મશીન જ થઇ ગયા છે..

ઘેર થી નીકળી ને ઓટો પકડતા ૫ મિનીટ ના રસ્તા માં પણ જાણે દિમાગ ૧૨૦ ની સ્પીડે આખા દિવસ નું શિડયુલીંગ કરવામાં જ બીઝી હોય, જાણે કેટ કેટલી હુંડીઓ સ્વીકારી ને ઉંધી પડી જતી હોઉં!

મોબાઈલ માં ટાઈમ ચેક કરતા સાથેજ તારીખ અને વાર પર નજર ગઈ , અને વિચાર આવ્યો  - " ઓહહ... આજે અને મન્ડે? હે ભગવાન , તો પછી મારો સંડે ક્યાં ગયો? "

બીજી જ સેકન્ડે યાદ આવ્યું - " કાલે મારો બર્થડે છે - હેપ્પી બર્થડે. હું આગલા દિવસથી બધા ને યાદ કરાવી દઉં છું! કાલે મને બધા ના એસ.એમ.એસ ને કોલ આવવા જ જોઈએ , વિશ કરવા, નહિ તો પછી.... "- એ " નહી તો પછી..."  બોલતા વન્કાયેલી પાણીદાર કાળી, કાજળ થી ભરેલી નજરો યાદ આવી ગઈ અને...

જોકે બર્થડે , એનીવર્સરી અને બીજી ઘણી ખાસ તારીખો અને અવસર ભૂલી જવા માં મારો રેકોર્ડ છે અને દર વખતે દિમાગ એના આ મિસ ફન્ક્ષનીંગમાટે કોઈને કોઈ આડું અવળું બહાનું દિલ ને અને સ્નેહીજન ને સમઝાવી જ  દે..

પણ આજે  નાં  તો દિમાગ બર્થડે ભૂલી જવાના બહાના શોધતું હતું કે નાતો બધા ના બર્થડે કઈ રીતે યાદ રહે, એવા ફાલતું આર્ગ્યુમેન્ટસ થી દિલ ને બહેલાવવા નો ટ્રાય કરતુ હતું!

કેમકે દિલ અને દિમાગ બંને ને દુખ થયું - સંડે ખોવાઈ જવાનું નહિ , પણ એકદમ દિલોજાન અને ખાસમખાસ એવી દિલ અને દિમાગ બંને ને નજીક મિત્ર નો બર્થડે ભૂલી જવાનો..

બાળપણ ની ગોઠડી , સ્કૂલી સંગાથ કે કોલેજી કંપની જેટલી ઉમર ભલે ના હોય એ મિત્ર સાથે ની મૈત્રી ની , પણ આં મિત્રતા ની  પુખ્તતા , સ્નેહ અને લાગણીઓ અચૂક વધારે જ છે!

" સોરી , કાલે વિશ કરવાનું ભુલાઈ જ ગયું.. બી લેટેડ હેપ્પી બર્થડે ! " -એસ.એમ.એસ સેન્ડ કરતા કરતા યાદ આવ્યો એ પહેલો દિવસ..

અને એજ સાથે એસ.એમ.એસ નો રીપ્લાય : " ઇટ્સ ઓકે ડિયર,  થાય હવે , આઈ મિસ્ડ યોર એસ.એમ.એસ બટ આઈ નો - એવું થઇ જાય ,  હવે સોરી નો ઓવરડોઝ ના જોઈએ! "  - એકદમ પ્રેમથી અને સહજતા થી મારી ભૂલી જવાની આદત , મારા થોડા સમય થી અસ્ત-વ્યસ્ત શીડ્યુલ અને મારો  સ્માઈલી સાથે સ્વીકાર !

૧- ૮-૨૦૦૯... નવી જોબ માં પહેલો દિવસ, અજાણ્યા લોકો, અજાણ્યું વાતાવરણ અને છતાં એ મિત્ર ને પહેલી વાર જોઇને અનુભવાયેલી હાશ!

પહેલા દિવસે જે થોડું અતડું લાગેલું એ સ્મિત બીજા દિવસ થી તો એકદમ સંગીન થઇ ગયું અને અજાણ્યો માહોલ પણ રંગીન થઇ ગયો!

હા હા હા ..

મજાક નથી  કરતી , કૈક આવો જ અનુભવ થયો!

અને એ મિત્ર એટલે એસ.કે. : સ્નેહલ ..

પહેલા થોડા દિવસ ના અનુભવ પરથી સમઝાયું કે...

માણસ ને ઓળખવાની ગજબ ની સૂઝ અને સામેવાળા ને માપી ના લે  ત્યાં સુધી સંપૂર્ણ સેફ ડીસટન્સ થી એકદમ સ્વસ્થ બિહેવ કરવાનો સ્વભાવ એટલે સ્નેહલ.

એક કેબીન શેર કરતા કરતા અમે ક્યારે એકબીજાના સુખ-દુખ , મજાક મસ્તી અને લાગણીઓ શેર કરતા થઇ ગયા એ હજુ વિસ્મય છે!

જેમ જેમ સમય ગયો , એક બીજાની સારી નરસી વાતો પણ એકદમ મૌજ થી સ્વીકારતા ગયા..

{ જોકે એમાં સારી વાતો સ્નેહલે મને શીખવાડી અને બદલા માં મેં એને બગાડી...  એક બગડેલી કેરી ટોપલો બગાડે, એમજ તો! }

એકદમ અલ્લડ સ્વભાવ અને કુટુંબ અને મિત્રો માટે એટલી જ તીવ્ર સંવેદના , પોતાના સબ્જેક્ટ અને વિદ્યાર્થીઓ ના પ્રોગ્રેસ માં એક જ પેસ થી ફૂલ ઇન્વોલ્વડ , નવી ટેકનોલોજી અને લીટરેચર બંને માં એક સરખો   રસ , બ્યુટી -ડ્રેસિંગ-પર્સનાલીટી ની સાથે વર્ક કમીટમેન્ટ અને ફેમીલી રીસ્પોસીબીલીટી માં પણ ટેન ઓન ટેન- અને એબોવ ઓલ મને હસતા મોઢે સહન કરવાની , મારો બકવાસ ૮ કલાક સંભાળવાની , મારા ઢંગધડા વગર ની બ્લોગ પોસ્ટ ને ફેસબુક નોટ્સ- સ્ટેટ્સ પર પ્રેમથી કમેન્ટ્સ કરવાની - દિલદારી ... એટલે સ્નેહલ..

 આ તો થયા બધા પ્લસ પોઈન્ટ્સ {તમને  થશે આજે અમુલ  બટરના કન્ટેનર ના કન્ટેનર ખાલી કરું છું ! } , અને નેગેટીવ પોઈન્ટ? - માર ખવડાવવો છે?   :)

સ્ટેફી ગ્રાફ ના ફીચર્સ અને કાજળઘેરી પારદર્શક આંખો, રમતિયાળ અને ઓલ્વેઝ અવેલેબલ સ્મિત , સાલસ સ્વભાવ ની સાથે તોફાન તો તડકો [ વઘાર ] :  એવી મારી ખાસ મિત્ર સ્નેહલ ને - દિલ ની જન્મ દિવસ ની નહિ , આખી જિંદગી માટે શુભ કામના ...

જે ઉદારતા  થી ભગવાન મને મુસીબતો અને અડચણો આપે છે, કદાચ એથી વધુ ખુલ્લા દિલે મિત્રો આપ્યા છે!

{

આ વાંચી ને જે મહાનુભાવો મને ખખડાવશે - એમના વિષે ના લખવા માટે...

 એમના માટે-

હું હજુ ઘણું લાંબુ જીવીશ અને લખી લખી ને તમારું લોહી પીશ ! 

 }