"વર્કિંગ વુમન અને વાંચન! "

“e_વાચક-૨૦૧૦” માં પબ્લીશ થયેલો મારો ફર્સ્ટ આર્ટીકલ ...
http://docs.google.com/fileview?id=0B1xd-zTpPPu7YWE4YzIyNTAtOGM1Yy00YWQyLTgxMDktNGY2MDRjN2UzYjJm&hl=en&pli=1

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

"વર્કિંગ વુમન અને વાંચન! " 

"

ઉફ્ફ્ફ ... 

૧૦.૩૦ વાગ્યા.. હાશ કેયુર અને હીર પોઢી ગયા હવે જરાક આજ ના ન્યુઝ પેપર પર નજર ફેરવી જોઉં! 

પેપર હાથ માં લેતા જ વિચાર આવે છે- " આજે તો મંગળ વાર ... અરેરે રે , આજે તો મહીલ વિશેષ પુરતી હશે! એમાં તે વળી શું વાંચવાનું? ટાઈમ  પાસ કરવા પણ જો એ ભૂલ થી વાંચી જાય છે તો મન માં એક ચચરાટ થઇ જાય છે , એક તો સમય બગડ્યા નો અને બીજો અપરાધભાવ! "

મન ચકડોળે ચડ્યું અને અનિચ્છા એ પણ પુરતી ના પાના ફેરવી કૈક વાચવા યોગ્ય મળે તો .. ની શોધ આરંભાઈ...

[૧]પતિ ને કેવી રીતે ખુશ રાખવો !  { શું સાસુ માં ને ફોન કરી ને આ ઉપાય પૂછવો વધુ અસરકારક ના રહે? લેખ ને અનુસરતા કયાંક "આપડા વાળા  "  ની જગ્યા એ "બીજી નો" ખુશ થઇ જાય તો ? } 

[૨]મન ના માણીગર ના મન સુધી પહોંચવાના રસ્તા!  { જી.પી.આર.એસ. અને ગુગલ મેપ ના જમાના માં હજી જરી પુરાના રસ્તા અનુસરયી તો મૂરખ કોણ? આપડે જ તો ! }

[૩]નોકરિયાત મહિલાઓ ની જાતીય સતામણી { જેને ના અવળે એને પણ જાતીય સતામણી શીખવાડી દે એ હદે પ્રસંગો નું પિષ્ટ -પીંજણ કરાય છે અને અંતે નોકરિયાત સ્ત્રી ઓ માટે  હદ-સરહદ- વાડા નક્કી કરી , તેમણે શું શું ના કરવું ની લાંબી લચક યાદી પકડાવી દેવાય છે! }

[૪]ઘર ની સજાવટ { જો લેખ ને અનુસરીએ તો "ઘર" ની સજાવટ માં "વર" ની પતાવટ થઇ જાય !! } 

[૫]ત્વચા ની સંભાળ 

[૬] હવસ ની આગ - લઘુ કથા { !!!! કથા ? કે સેક્સ્વ્યથા ? }

[૭]શયનેષુ રંભા : પતિ ની પસંદ બનો { કોના પતિ ની પસંદ ?? } 

...................................................... 

ક્રેપ ... ક્રેપ.. .ક્રેપ...

ઉભી થઇ, ફ્રીઝ માંથી એક ચિલ્ડ બોટલ કાઢ્યો અને પાણી વડે દિમાગ ની ગરમી ને ઠંડી પાડવા નો પ્રયાસ કર્યો! 

સ્ટોર રૂમ માં પડેલા બૂક શેલ્ફ માં થી અનાયાસે જ એક બૂક હાથ માં આવી ...

વાંચવા ના મુડ નું તો મર્ડર [ ઇમરાન ભાઈ ને મલ્લિકા બેન વાળું ની હો! ] જ થઇ ગયું હતું.. 

છતાં પુસ્તક હાથ માં લેતા જ યાદ આવ્યું, આ તો લાસ્ટ વિક માં જીજાજી પાસેથી ખાસ આગ્રહ કરીને વાંચવા લઇ આવેલી તે જ પુસ્તક છે ! પપ્પા ની બીમારી ને કારણે જે વાંચ્ય વગર જ શેલ્ફ માં આવી પડ્યું છે! 

અને દિલ ને ખુશી થઇ - હાશ... નિંદ્રા પહેલા દિમાગ ને થોડો પોષક આહાર મળશે! 

આદત મુજબ પુસ્તક શરુ કરતા પહેલા ઉપર્છલા પાના ફેરવતા એક હાઈ લાઈટ કરેલ પેરા મળ્યો :: 

"સ્ત્રીના ચાર પ્રકારના ભેદપ્રભેદ શાસ્ત્રોમાં વર્ણવામાં આવ્યા છેઃ’પદમિની’,'ચિત્રિણી’,'હસ્તિની’અને ‘શંખિણી’.આમાં એક નંબર બેસ્ટ છે અને ચાર નંબર વર્સ્ટ છે.પણ બીજો અને ત્રીજો નંબર મધ્યમ છે.આ ચારેય લક્ષણૉ કળિયુગમાં એક જ સ્ત્રીમાં મળી રહે છે.એને ઓફિસગર્લ કહેવામાં આવે છે."

પુસ્તક એક આક્રોશ સાથે પાછું શેલ્ફ માં મુક્યું અને મન ચકડોળે ચઢી ગયું! 

જો "બક્ષી સાહેબ" જેવા પીઢ પુરુષ પણ આવું માનતા હોય તો , સમાજ નો શો વાંક?
મન ને એક પ્રશ્ન મૂંઝવી રહ્યો , કે વર્કિંગ વુમન નું અસ્તિત્વ શું ?પ્રિન્ટ અને ઈ મીડિયા દ્વારા વખતો વખત વર્કિંગ વુમન ને જાણે અજાણ્યે કેમ આવો અન્યાય કરાય છે? ઘર, કુટુંબ અને જવાબદારી પૂરી કરવા - કામ કરતી સ્ત્રી ને કેમ "કામ" જ કરતી માનવામાં આવે છે ? આવી બેજવાબદારી કામકાજી પુરુષો પ્રત્યે કેમ દાખવવામાં નથી આવતી ?
-- શું મહિલા "ટેક સેવી" નથી હોતી? છતાં કેમ આધુનિક ગેજેટ્સ અને ટેકનોલોજી જે કામકાજી મહિલાઓ ની જીવનશૈલી સુધારી શકે છે તેને મહિલા વિશેષાંક માં સ્થાન નથી મળતું?  -- શેર બજાર , એલ.આઈ.સી, પ્રાઇવેટ  કે ગવર્મેન્ટ બેંક - માં કામ કરતી  મહિલા ઓ મની  મેનેજમેન્ટ માં મહેર છે.. છતાં એકાઊંટ , બચત, નવી નાણાકીય યોજનાઓ , શેર બજાર ના પ્રવર્તમાન પ્રવાહો જે હાઉસ મેનેજ્મેન્ટ માટે ટુકા ને લાંબા ગળે મદદરૂપ થઇ શકે  એ અંગે કેમ સ્ત્રી વિશેષ પૂર્તિ માં ચર્ચા નથી કરાતી ?  -- ઘર ને કુટુંબ વચ્ચે  સંવાદ સાધવા ની પળોજણ માં પોતાની જાત ને ઘસી નાખતી કામકાજી મહિલા માટે સલાહ-સુચન ની કોલમ કદાચ સેક્સ - સમસ્યા કરતા વધુ જરૂરી  નથી ? શું કોઈ નામાંકિત મનોચિકિત્સક ની કટાર મહિલા વિશેષાંક ને ચાર ચાંદ ના લગાવી શકે?-- માત્ર પતિ દેવો ભવ  ના જપ કરાવતી કોલમ કરતા સ્ત્રી ને પોતાનું મહત્વ સમજાવતી અને એ વધારવા માર્ગદર્શન આપતી કોલમ શું ગૃહિણી અને વર્કિંગ વુમન બંનેની ગરિમા ના વધારે?-- શું ધડ માથા વગર ની વલ્ગર વાર્તા ની જગા એ પ્રખ્યાત અને પ્રેરણાદાયી સ્ત્રી ઓ ના જીવનચરિત્ર કે મુલાકાત વધુ રસપ્રદ ના રહે? 
કદાચ હા ... કદાચ ના...પણ પ્રયત્ન તો થઇ શકે ને? પણ શરૂઆત કોણ કરશે ? કદાચ કોઈ એક વર્કિંગ વુમન જ કરી શકે! તો "હું"  કેમ નહિ ? "

મારું પિક્સેલ ::  

ગુજરાતી ન્યુઝ પેપરસ અને મેગઝીન્સ માં આવતા સ્ત્રીવિશેષ લેખ અને પૂર્તિ જોઈને કાયમ એક પ્રશ્ન થાય છે કે - 

" ગુજ્જુ  ફીમેલ્સ ને નોર્મલી આવા જ આર્ટીકલ્સ ગમતા હશે .... કે પછી એ નોર્મલ ગુજ્જુ ફીમેલ ની ડેફીનેશન માં  હું નથી આવતી ? " 

જવાબ હજુ નથી મળ્યો!!!